ada satu carita
tentang realita
di mana hidop orang sudara
bergelut dengan dara

katong pung moyang
dudu carita deng Pati
angka sumpah for ana cucu pung hidop

sopi, parang deng dara jadi saksi..
for angka satu ikatan

pela gandong
macam ikang deng colo-colo
akang sadap sampe k tulang

dolo-dolo mulai ilang
sejak katong makang padi
lupa sagu sebagai tradisi

ana cucu sakarang kalakuang cuka,
asam paskali......

dolo katong manis
sakarang katong padis

gandong bunu gandong
pela bakar pela

ingatang katong pung moyang
yang dudu deng sangsara
demi hidop sakarang

Maluku itu damai
Maluku itu manis

mari katong masohi
walang deng tapalang

for makang papeda deng colo-colo
bukang padi deng aer mata...